رەسپۋبلكالىق اشىق بىرىنشىلىك قىزىلجار وڭىرىندە وسىمەن تورتىنشى رەت ۇيىمداستىرىلىپ وتىر. وعان رەسەي مەن قازاقستاننىڭ ءار ايماقتارىنان جينالعان بوكcشىلار ءوزارا كۇش سىناستى.
«جارىسقا قاتىسۋشىلار جاس ەرەكشەلىكتەرىنە قاراي توپتارعا ءبولىنىپ, جۇلدەلەردى ساراپقا سالاتىن بولادى. جىل وتكەن سايىن تىلەك بىلدىرۋشىلەر قاتارى ارتىپ كەلەدى», دەيدى ءتۋرنيردى ۇيىمداستىرۋشىلاردىڭ ءبىرى يۆان ۆان-حون-تۋن.
تاي بوكسىنان قازاقستاننىڭ باس جاتتىقتىرۋشىسى ەلحان امانقۇلوۆتىڭ ايتۋىنشا, بۇگىندە 20 مىڭنان استام ادام سپورتتىڭ وسى تۇرىمەن جاتتىعاتىن كورىنەدى.
ء ۇش كۇنگە سوزىلعان جارىس قورىتىندىسىندا الماتىلىقتار كۋبوكتى جەڭىپ الدى. ەكىنشى, ءۇشىنشى ورىنداردى پەتروپاۆلدىقتار مەن اتىراۋلىقتار ءبولىستى.
ەڭ ۇزدىك بوكسشىلار تامىز ايىندا تايلاندتا وتەتىن الەم چەمپيوناتىنا قاتىسادى.
ءومىر ەسقالي,
«ەگەمەن قازاقستان».
سولتۇستىك قازاقستان وبلىسى.
